Şriftin ölçüsü :

Saytın rəngi :

Qazaxda keçirilən növbəti qanvermə aksiyasının önündə icra hakimiyyəti başçısı aparatının işçiləri olub

21 aprel 2018 | 16:00

Qazax rayonunda növbəti qanvermə aksiyası keçirilib. Qazax Müalicə Diaqnostika Mərkəzində keçirilən xeyriyyə aksiyasında rayon icra hakimiyyəti başçısı aparatının kollektivi öndə olub.Bundan başqa idarə, müəssisə və təşkilatların kollektivləri, hüquq-mühafizə orqanlarının əməkdaşları, gənclər, rayon sakinləri də aksiyada fəal iştirak ediblər.  
Rayon icra hakimiyyətinin başçısı Rəcəb Babaşov və aparatın kollektivi aksiyanın keçirildiyi Qazax Müalicə Diaqnostika Mərkəzinə gəlmiş və qan vermişlər.    
Müxtəlif qan xəstəliklərindən əziyyət çəkənlərə kömək məqsədilə keçirilən tədbirdə respublika səhiyyə nazirliyinin Bakı Mərkəzi Qan Bankının əməkdaşları qan vermək istəyən vətəndaşları müayinə etmiş və onlara məsləhətlər verdikdən sonra qanverməyə  hazırlayıblar.
Qeyd edək ki, Qazaxda vaxtaşırı keçirilən qanvermə aksiyaları həmişə olduğu kimi bu dəfə də yüksək mütəşəkkillik şəraitində başlayıb və uğurla başa çatıb.  
Aksiya çərçivəsində könüllü olaraq qan vermək üçün mərkəzə 400 nəfərə yaxın rayon sakini müraciət edib və onların 162 nəfərindən qan götürülüb.

Hamlet Qasımov,
"Xalq qəzeti"nin bölgə müxbiri

20.04.2018-ci il 

Keçidlər