Şriftin ölçüsü :

Saytın rəngi :

İcra başçısı mərkəzi xəstəxanada görülən son tamamlanma işləri ilə tanış olub

18 sentyabr 2019 | 16:00

Bu gün Qazax Rayon İcra Hakimiyyətinin başçısı Rəcəb Babaşov 2017-ci ildən başlayaraq tikintisi davam etdirilən mərkəzi xəstəxanada görülən son tamamlanma işləri ilə tanış olub.
2,6 hektar sahədə inşa olunan 145 çarpayılıq rayon mərkəzi xəstəxanasının 5 korpusu ötən il inşa olunaraq hazır vəziyyətə gətirilib. Hazırda isə qalan 5 korpusda son tamamlanma işləri aparılır. 10 korpusdan əlavə binanın ətrafında həcmi 400 kubmetr olan iki ədəd su hovuzu, qazanxana və nasos stansiyası, transformator stansiyası, nəzarət-buraxılış məntəqəsi inşa edilib ki, onlar da tam hazırdır.
İş icraçısı Calal Əfəndiyev hazırda Gigiyena və Epidemiologiya Mərkəzi, təcili tibbi yardım, dializ, ümumi cərrahiyə-travmatologiya, yoluxucu xəstəliklər şöbələrinin yerləşəcəyi korpuslarda son tamamlanma işlərinin görüldüyünü bildirib.
Rayon rəhbəri hazır olan korpuslardakı mövcud vəziyyət və avadanlıqların tam şəkildə yerləşdirilməsi ilə də maraqlanıb. Öz tapşırıq və tövsiyələrini verib.

Keçidlər