Qazaxda dezinfeksiya tədbirləri davam etdirilir
Qazaxda koronavirus infeksiyasının yarada biləcəyi təhlükənin qarşısını almaq üçün vaxtaşırı təxirəsalınmaz tədbirlər həyata keçirilir. Bütün müəssisələrdə tibbi-profilaktik vəziyyətə nəzarət gücləndirilib, dezinfeksiya işlərinin və qabaqlayıcı tədbirlərin həyata keçirilməsi intensivləşdirilib.
Qazax Rayon Gigiyena və Epidemiologiya Mərkəzinin əməkdaşları rayon ərazisində dezinfeksiya işlərini uğurla davam etdirirlər.
Əməkdaşlar bu dəfə dezinfeksiya tədbirlərini şəhərin mərkəzində əhalinin sıx toplaşdığı parklarda, Şəhidlər Xiyabanında, Qazax Avtovağzalında, "Əsədoğlu” marketin qarşısında, Bayraq Meydanında, avtomobil dayanacaqlarında və ətraf ərazilərdə həyata keçiriblər.
Dezinfeksiya işlərinin mütəmadi olaraq davam etdirilməsi nəzərdə tutulur.
.JPG)
