Məktəblilər “Ölkəmizi tanıyaq” devizi altında keçirilən tur-aksiyadan xoş təəssüratlarla qayıdıblar
Ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərinin dərindən öyrənilməsi məqsədilə respublikamızın müxtəlif şəhər və rayonlarında yaşayan gənclərin digər bölgələrə səyahətlərinin təşkilinə dair Azərbaycan Respublikasının Prezidenti İlham Əliyevin tapşırığına əsasən IX-XI sinif şagirdləri üçün “Ölkəmizi tanıyaq” devizi altında keçirilən maarifləndirici tur-aksiyaların daha bir mərhələsi uğurla başa çatıb.
Layihə çərçivəsində martın 23-dən 26-dək davam edən tur-aksiyada Qazax məktəbliləri Qəbələ-Şəki-Zaqatala marşrutu üzrə ekskursiya edib, respublikamızın şimal-qərb bölgəsi ilə yaxından tanış olublar.
Tur-aksiya olduqca maraqlı keçib və məktəblilər Qəbələ, Şəki və Zaqataladan zəngin təəssüratlarla qayıdıblar. Məktəblilərin Heydər Əliyev parkında qarşılanma mərasimi olub.
Səfərdən qayıdan məktəblilər öz təəssüratlarını bölüşüb, sonda xatirə şəkli çəkdiriblər.