Açıq məlumatlar
Qazax rayonunda 2022-ci ilin birinci rübü ərzində görülmüş işlər barədə
Məlumat
Regionların sosial-iqtisadi inkişafı Dövlət Proqramına uyğun olaraq Qazax rayo-nunda təmir-tikinti, abadlıq, bərpa, quruculuq işləri 2022-ci ilin birinci rübündə uğurla davam etdirilmişdir.
Qazax rayonu ərazisində fəaliyyət göstərən “Saloğlu” fərdi firması tərəfindən “Venzana” mebel fabrikinin tikinti işləri yekunlaşmışdır. “Venzana” mebel fabriki işə düşdükdən sonra müəssisədə işçi sayı 600 nəfərə çatdırılacaqdır. Yeni mebel fabriki bir çox ölkələrə "Made in Azerbaijan” brendi ilə mebel ixrac edəcək ki, bu da regionda yaşayan əhalinin məşğulluğunun təmin edilməsi, yüksək ixtisaslı kadrların hazırlanması ilə yanaşı, rayonumuzun ixrac potensialının artırılmasına şərait yaradacaqdır.
Qazax şəhərinin su təchizatı və kanalizasiya sisteminin yenidən qurulması layihəsi çərçivəsində, Ağstafa rayonu ərazisində 12 ədəd subartezian quyusu qazılmış, 8,1 km artezianlararası xətlərin çəkilişi tam olaraq yekunlaşmışdır. Bununla yanaşı 1(bir) ədəd nasos stansiyasının tikintisi, eləcədə nasos stansiyasından su anbarına qədər olan 8,9 km uzunluqda (DN530 mm) magistral su xətti tam inşa olunmuşdur. Qazax rayonunun Xanlıqlar kəndi ərazisində hər birinin tutumu 5000 m³ olmaqla, 2(iki) ədəd su anbarı kompleksi tikilib istifadəyə verilmişdir. Su anbarı ilə şəbəkəni əlaqələndirən 4,5 km uzunluğunda (DN630 mm) magistral su xətti çəkilmişdir. Həmçinin su şəbəkəsini əhatə edən 116 km müxtəlif ölçülü boruların inşası yekunlaşmış, su şəbəkəsi üzərində 6900 ədəd sayğac quraşdırılmışdır. Şəhərin kanalizasiya sularını çirkab su təmizləyici qurğusuna daşıyan kollektor və ümumi uzunluğu 92,6 km şəbəkə xətləri çəkilmiş, 6215 ədəd ev bağlantısı quraşdırılmışdır. Yollarda asfalt örtüyünün 92,4 km² bərpası işləri tam başa çatdırılmışdır.
Qazax şəhərində aparılan su və kanalizasiya xətlərinin çəkilişi ilə paralel olaraq işlər yekunlaşan ərazilər abadlaşdırılmış, prospekt və küçələr asfaltlanmış, səkilərə yeni tamet, bardür düzülmüş, qaz, elektrik, rabitə xətləri səliqəyə salınmışdır.
Şəhərin Heydər Əliyev prospektində, Molla Pənah Vaqif, Səməd Vurğun, Azadlıq, Zeynalabdin Tağıyev, Murtuz Carçıyev, Əminə Dilbazi, Molla Vəli Vidadi, Hüseyn Arif, Məmməd Əmin Rəsulzadə, Əhməd Seyidov, Mehdi Hüseyn, Bakı, Firuddin Şamoyev, Əliağa Şıxlinski küçələrinə yeni asfalt örtüyü vurulmuşdur. Bundan əlavə, şəhərin Nəriman Nərimanov yaşayış massivində yerləşən 1, 2, 3, 49 saylı, Heydər Əliyev prospektində yerləşən 61A, 63, 65, 81, 83, 175 və 179 saylı, Azadlıq küçəsində yerləşən 31A, 92, 107, 208 və 208A saylı, Şəhidlər Xiyabanı küçəsində yerləşən 12, 14, 25 və 27 saylı, Əliağa Şıxlinski küçəsində yerləşən 4 və 5 saylı çoxmənzilli yaşayış binalarının həyətində abadlıq işləri aparılaraq "Abad məhəllə” kimi sakinlərin istifadəsinə verilmişdir.
Son illər rayonun Qazaxbəyli - Orta Salahlı - Aşağı Salahlı, Yuxarı Salahlı-Kəmərli, Kosalar, Quşçu Ayrım, Canalı, Çaylı, Bala Çaylı, Hüseynbəyli, Cəfərli, Daş Salahlı-Ürkməzli-Dəmirçilər və Fərəhli kəndlərinə yeni asfalt yolların çəkilməsi, regionların sosial-iqtisadi inkişafı ilə bağlı qəbul olunan Dövlət Proqramlarında bu sahəyə xüsusi yerin ayrılması Dövlətin yeni yolların salınması məsələsinə nə qədər əhəmiyyət verdiyini aydın şəkildə göstərir. Hazırda rayonun Çaylı kəndində, kəndarası yolların asfaltlanması işinə başlanılmış və işlər davam edir.
Gəncə-Qazax-Gürcüstan dövlət sərhədi avtomobil yolunun dörd zolağa genişləndirilməsi işləri 2019-cu ilin fevral ayından başlanmış, Qazax rayonunun 8 yaşayış məntəqəsindən keçən və uzunluğu 41 km olan magistral avtomobil yolunun tikintisi işləri hazırda davam edir. Bu cür layihələrin icrası yaşayış məntəqələrinin sosial-iqtisadi tərəqqisinə böyük töhfə verir, turizmin, kənd təsərrüfatının inkişafında mühüm rol oynayır.
“Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın həyata keçirilməsi üzrə hazırlanmış tədbirlər planına Qazax rayonu üzrə 11 məktəb binasının əsaslı təmirinin və ya tikintisinin salınması, Heydər Əliyev Fondu tərəfindən reallaşan "Yeniləşən Azərbaycana yeni məktəb” layihəsi çərçivəsində rayonumuzda yeni məktəb binaları inşa olunması təhsil sahəsinə olan qayğının bundan sonra da uğurla davam etdirilməsi deməkdir.
2021-2022-ci tədris ilində Heydər Əliyev Fondu tərəfindən Şahnabat Nəsibova adına Sarıvəlli kənd tam orta məktəb üçün 220 şagird yerlik və Təhsil Nazirliyi tərəfindən Aydın Məmmədov adına Qaymaqlı kənd tam orta məktəb üçün 180 şagird yerlik yeni binaların inşa edilməsi, Təhsil Nazirliyi tərəfindən yararsız halda olan Mehdi Hüseyn adına humanitar və təbiət fənləri üzrə məktəb-lisey binasının sökülərək yenidən tikilməsi dövlətin Qazax rayonunda təhsil sahəsinə olan qayğısının daha bir bariz nümunəsidir. Hazırda məktəb-lisey üçün 700 şagird yerlik yeni məktəb binasının inşası davam edir. 2021-2022-ci tədris ilində Aşağı Salahlı kənd tam orta məktəbin binasında cari təmir işləri aparılmışdır.
2017-2021-ci illər ərzində rayonda fəaliyyət göstərən 25 körpələr evi uşaq bağçasından 20 bağça binasında bərpa-gücləndirmə və əsaslı təmir-tikinti işləri aparılmışdır. Təmirə ehtiyacı olan Daş Salahlı kənd 1 saylı körpələr evi uşaq bağçası üçün 60 yerlik yeni bağça binasının təməli qoyulmuşdur.
ADA Universiteti "Bir müəllimin manifesti” təşəbbüsü ilə çıxış edərək, milli təhsil sisteminin başlanğıc nöqtəsi hesab olunan Qazax Müəllimlər Seminariyasının tarixi binasının bərpası ilə bağlı olaraq 01.10.2021-ci il tarixdə ADA Universiteti tərəfindən niyyət sazişi imzalanmışdır. Hazırda tarixi binanın bərpası və yenidən qurulması işləri davam etdirilir. Bundan əlavə 17 otaqlı mülkünü Qazax Müəllimlər Seminariyasına bağışlayan Qazax rayonunun Kosalar kənd sakini Məşədi İbrahim Hacı İsmayıl oğlunun yaşadığı evdə də əsaslı təmir işlərinə başlanılmışdır.
Azərbaycan Respublikası Prezidentinin 13 sentyabr 2021-ci il tarixli 2893 nömrəli Sərəncamına əsasən əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün Qazax rayonunun 10 yaşayış məntəqəsində - Ağköynək, Aslanbəyli, Aşağı Salahlı, Bala Çaylı, Cəfərli, Çaylı, Daş Salahlı, Xanlıqlar, Kəmərli, Qaymaqlı kəndlərinin hər birində 1 ədəd olmaqla cəmi 10 ədəd subartezian quyularının qazılması nəzərdə tutulmuşdur. Hazırda rayonun Ağköynək, Çaylı və Aşağı Salahlı kəndlərinin hər birində 1 ədəd olmaqla cəmi 3 ədəd subartezian quyusunun qazıntısına başlanılmışdır.
Əhalinin sosial-məişət şəraitinin yaxşılaşdırılması istiqamətində işlər uğurla icra olunur, çoxmənzilli yaşayış binalarının dam örtüyü yenilənir, blok və fasadı əsaslı şəkildə təmir edilir. Bu işlər sayəsində, bu gün 164 çoxmənzilli yaşayış binasından 130-dan çoxu günün tələblərinə cavab verən səviyyəyə çatdırılıb. Qazax şəhəri Azadlıq küçəsi 33, 90, 100, 101, 121 saylı, Z.Tağıyev küçəsi 11 saylı və Ş.Çobanov küçəsi 4 saylı binaların, ümumilikdə 3620 m2 dam örtüyü sinklənmiş metal vərəqlərlə dəyişdirilmişdir.
Qazax şəhərində binaların həyətinə, şəhərdaxili yollara asfalt-beton örtüyü vurulmuş, səkilərə tamet daşları döşənmiş, bardür qoyulmuşdur. Şəhərdaxili yollara dolğu, qum-çınqıl materialları daşınmış, yollarda abadlıq işləri aparılmışdır. Küçələrin gecə işıqlandırılması üçün yeni işıq dirəkləri quraşdırılmışdır.
Belə ki, 2022-ci ilin birinci rübü ərzində küçələrə 4923 m3 qum-çınqıl qatı verilərək ümumilikdə 10940 metr uzunluğunda yollar abadlaşdırılmışdır. Qazax şəhərində, ümumilikdə 1276,5 p/m bort daşları, 414 p/m bardür, 1505 m2 bruçatka daşları düzülmüş, 3054 m2 ölçüdə tamet daşları vurulmuş, səkilərin kənarlarına metal materialdan hazırlanmış ümumilikdə 275 metr uzunluğunda mühafizə çəpərləri quraşdırılmışdır. Şəhərin Ə.Qədirov küçəsində yerləşən 2, 3 və 4 saylı binaların həyətinə 2943 m2 asfalt beton örtüyü vurulmuş, küçə boyu divar səthinə 1250 m2 emulsiya çəkilmişdir. N.Nərimanov küçəsində Vətən müharibəsi şəhidlərinin adlarını əbədiləşdirən “Vətən Müharibəsi Şəhidləri” Xatirə Kompleksinin yaxınlığında (körpünün üzərində) təzə park salınmış, parkda gecə işıqlandırılması üçün 3,5 metr hündürlüyündə 15 ədəd işıq dirəkləri, 11 metr hündürlüyündə 6 ədəd qoşa lampalı işıq dirəkləri quraşdırılmış, yaxın ərazidə olan 9 ədəd 11 metrlik işıq dirəkləri yeniləri ilə əvəz olunmuşdur. Parka 16 ədəd dibçək tingləri və 12 ədəd 4 nəfərlik oturacaqlar qoyulmuş, səkilərin kənarlarına 319,5 p/m bort daşları düzülmüş, 1430 m2 tamet daşları vurulmuşdur.
Ölkə Prezidenti İlham Əliyevin, Birinci vitse-prezident Mehriban xanım Əliyevanın vətəndaşlara olan qayğıları, ölkəmizdə yürüdülən dövlət siyasətinin əsasında vətəndaş amilinin dayanması, vətəndaş məmnunluğunun əsas götürülməsi bu gün hər bir dövlət məmuru üçün örnək olmalıdır. Qazaxda bu amili əldə rəhbər tutan rayon rəhbəri tərəfindən vətəndaşların fərdi və ya ümumi şəkildə qəbul edilməsi də bu məqsədə xidmət edir.
2022-ci ilin birinci rübü ərzində Rayon İcra Hakimiyyətinə ümumilikdə 835 müraciət daxil olmuşdur. Müraciətlərin böyük əksəriyyəti sosial müdafiə, mənzil problemlərinin həll edilməsi, təmir-tikinti, işlə təmin olunma ilə bağlı olan məsələlər olmuşdur.
Rayon İcra Hakimiyyəti başçısının aparatına daxil olan müraciətlərin təhlili göstərir ki, müraciətlərin 14 faizi mərkəzi orqanlardan, 86 faizi isə vətəndaşlar tərəfindən daxil olmuşdur. Daxil olan müraciətlərin 26 faizi müsbət həll olunmuş, 64 faizinə müvafiq izahat verilmiş, 2,3 faizi qismən həll olunmuş, 0,4 faizi aidiyyəti üzrə baxılmaq üçün göndərilmiş, 7,3 faizi isə icraatdadır.
Rayon İcra Hakimiyyəti başçısının fərdi qəbulunda 167 nəfər vətəndaş iştirak etmişdir. Şəhid ailələri, Qarabağ müharibəsi əlilləri, digər imtiyazlı vətəndaşlar birinci növbədə qəbul olunmuş, vətəndaşlara müvafiq köməklik göstərilmiş və izahatlar verilmişdir.
2022-ci ilin hesabat dövrü ərzində Rayon İcra Hakimiyyətinin başçısı tərəfindən vətəndaşlarla 4 səyyar qəbul keçirilmişdir. Keçirilmiş səyyar qəbullarda 265 nəfər rayon sakini iştirak etmişdir. Səyyar qəbullar zamanı 29 rayon sakini tərəfindən qaldırılmış 23 məsələdən 8-i həll edilmiş, 8-i icraata götürülmüş, 4 məsələ üzrə qanunamüvafiq cavab verilmiş, 3 məsələ ilə bağlı aidiyyəti üzrə müraciət olunmuşdur.
“ASAN” xidmət 29 mart 2022-ci il tarixindən rayonumuza gələrək vətəndaşlara xidmət göstərməyə başlamışdır. Hesabat dövründə ( 29-31 mart 2022-ci il tarixlərində) “Gəncə Səyyar Xidmət avtobus”a edilən müraciətlərin ümumi sayı 471 nəfər olmuş, Xidmətin fəaliyyətindən 437 nəfər rayon sakini yararlanmışdır.
Vətən müharibəsində həlak olmuş hərbi qulluqçuların ailələrinin və sağlamlığını itirmiş hərbi qulluqçuların sosial müdafiəsinin təmin edilməsi, həmçinin onları narahat edən problemlərin həlli istiqamətində aşağıdakı işlər görülmüşdür :
Şəhidlərin xatirəsinin əbədiləşdirilməsi üçün Rayon İcra Hakimiyyətinin təşəbbüsü və dəstəyi ilə "Qanları ilə dastan yazanlar" kitabı çap olunmuş, Qazax Tarix-Diyarşünaslıq Muzeyində 339 nəfər şəhidin şəkillərindən ibarət guşə yaradılmış, şəhərin mərkəzində yerləşən Şəhidlər xiyabanında Vətən müharibəsi şəhidlərinin şəkli əks olunmuş mərmər lövhələr vurulmuş, N.Nərimanov küçəsində Vətən müharibəsi şəhidlərinin adlarını əbədiləşdirən “Vətən Müharibəsi Şəhidləri” Xatirə Kompleksi tikilib istifadəyə verilmiş, həmin ərazidə təzə park salınmışdır. Bu gün həmin abidə-kompleksi Şəhidlər xiyabanından sonra hər kəsin ziyarət etdiyi müqəddəs məkana çevrilib. Rayon İcra Hakimiyyəti başçısının müvafiq sərəncamlarına əsasən Qazax şəhərində olan 12 adsız küçəyə müxtəlif adda ordenlə təltif olunmuş 11 nəfər Vətən müharibəsi və 1 nəfər Tovuz döyüşləri şəhidlərinin adları verilmiş, şəhid ailələrinin müraciətlərini nəzərə alaraq, şəhid ailələrinin təşəbbüsü ilə rayon ərazisində 27 şəhidin xatirəsinə bulaq kompleksi tikilmiş, 37 şəhidin portreti ucaldılmışdır.
Rayon rəhbərliyi tərəfindən şəhidlərin anım və doğum günləri münasibəti ilə ailələri ziyarət edilmiş, yazılı və şifahi müraciətlərinə əsasən şəhid ailələri fərdi qəbul edilmiş, qaldırdıqları məsələlərə operativ baxılmış və yerində həll olunmuşdur. Müraciət edən şəhid ailələrinin 39 nəfər şəhid ailə üzvü işlə təmin edilmiş, 38 nəfər Özünüməşğulluq Proqramına cəlb edilmiş, 43 nəfər şəhid ailəsi Rayon İcra Hakmiyyətində mənzil növbəsinə uçota alınmış, 22 nəfər şəhid ailəsinin yaşadığı evə telefon və internet xətti çəkilmişdir.
Vətən müharibəsində yaralanmış hərbi qulluqçuların müraciətlərinə əsasən 28 nəfər Vətən müharibəsi əlili Rayon İcra Hakmiyyətində mənzil növbəsinə uçota alınmış, 64 nəfər Özünüməşğulluq Proqramına cəlb olunmuş, ailə üzvlərindən 22 nəfər işlə təmin olunmuşdur.
Rayon ərazisində, KİV nümayəndələri tərəfindən 43 nəfər şəhid ailəsinin evində çəkiliş aparılmış, şəhidlərin döyüş yolu televiziya və telekanallarda işıqlandırılmışdır.
Qazax Rayon İcra Hakimiyyəti başçısının aparatı yanında “Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiya” hesabat dövründə bu sahədə qabaqlayıcı profilaktik tədbirlər həyata keçirmişdir. Belə ki, bu sahədə mübarizəni gücləndirmək məqsədilə müzakirələr aparılmış, narkomaniyanın cəmiyyətə, insanların sağlamlığına vurduğu ziyanı vətəndaşlara, xüsusilə də gənclərə, məktəblilərə çatdırmaq məqsədilə mütəmadi olaraq maarifləndirici tədbirlər keçirilmişdir.
Bununla bağlı, Qazax Rayon İcra Hakimiyyəti, Rayon Polis Şöbəsi və Yeni Azərbaycan Partiyası Qazax Rayon Təşkilatının birgə təşkilatçılığı ilə, 2022-ci il aprelin 8-də Gənclər Evində keçirilən tədbirdə narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizə ilə əlaqədar görülmüş işlərdən danışılmış, narkomaniyanın törətdiyi fəsadlardan, narkotik vasitələrin zərərlərindən, insan və cəmiyyət üçün yaratdığı problemlər qeyd edilmişdir. Tədbirdə Qazax Rayon İcra Hakimiyyətinin başçısı Rəcəb Babaşov, icra aparatının məsul işçiləri, rayonun hüquq-mühafizə orqanlarının rəhbərləri, şəhər və kəndlər üzrə Polis sahə rəisləri, RİH başçısının İnzibati ərazi dairəsi üzrə nümayəndələri, bələdiyyə sədrləri, məktəb direktorları, rayon ziyalıları və ağsaqqalları iştirak etmişdir.
2022-ci ilin birinci rübü ərzində 16 nəfər narkomaniya diaqnozu ilə xəstə qeydiyyata götürülmüş, rayon üzrə 199 nəfər narkomaniya, 72 nəfər xroniki alkoqolizm diaqnozu ilə xəstə dispanser qeydiyyatdadır.
Qazax Rayon İcra Hakimiyyəti başçısı aparatı yanında fəaliyyət göstərən “İnzibati komissiya”da hesabat dövründə 5 inzibati məsələyə baxılmışdır.
Hesabat dövründə rayonda dövlət-din münasibətlərinin düzgün tənzimlənməsi məqsədilə Rayon İcra Hakimiyyəti başçısının yanında fəaliyyət göstərən “Dini İşlər üzrə Komissiya” rayonda dini durumun vəziyyətini təhlil etmiş, aidiyyəti dövlət qurumlarının rəhbərlərinə lazımı tapşırıq və tövsiyələr verilmişdir.
Yaşayış məntəqələrində əhalinin müxtəlif təbəqələri, o cümlədən gənclər arasında müxtəlif mövzularda dini maarifləndirici söhbətlər aparılmış, rayonda fəaliyyət göstərən məscidlərdə olunmuş və dini icmaların sədrləri ilə geniş söhbət aparılaraq müvafiq tövsiyələr verilmişdir. Hesabat dövründə rayonda dini durum tam sabit olmuşdur.
RİH başçısı aparatı yanında fəaliyyət göstərən “Yetkinlik Yaşına Çatmayanların İşləri və Hüquqlarının Müdafiəsi üzrə Komissiya”ya 1 məktub daxil olmuşdur. Məktub komissiya tərəfindən araşdırılmış, vətəndaşın qeydiyyatı Qazax rayonu olmadığı üçün, sənədlər aidiyyəti üzrə göndərilmişdir.
“Qəyyumluq və Himayəçilik Komissiyası”na 115 müraciət daxil olmuş, müraciətlərin 99-u məhkəmələrdən və digər orqanlardan, 16-sı isə vətəndaşlar tərəfindən komissiyaya edilmiş müraciətlər olmuşdur. Hesabat dövründə komissiyanın 3 iclası keçirilmiş, keçirilmiş iclaslarda ümumilikdə 24 məsələyə baxılmış və müvafiq qərar verilmişdir.
Dövlət Sosial Müdafiə Fondu Publik Hüquqi Şəxsin 1 saylı Qazax-Tovuz Regional Filialının Qazax Qəbul Şöbəsi üzrə hesabat dövründə əmək pensiyaçılarının ümumi sayı 10287 nəfər olmuş, onlardan 591 nəfər ailə başçısını itirməyə görə, 2206 nəfər əlilliyə görə, 7490 nəfəri isə yaşa görə əmək pensiyası alanlardır. Yeni təyin olunmuş pensiyaçıların ümumi sayı 175 nəfər təşkil etmişdir. Avtomatik pensiya təyinatı ilə 584 nəfər pensiyaçı bəhrələnmişdir.
Sosial müavinət alanların ümumi sayı 4647 nəfər olmuş, onlardan 1264 nəfəri yaşa görə, 2035 nəfəri əlilliyə görə, 555 nəfəri sağlamlıq imkanları məhdud uşağa görə, 569 nəfəri ailə başçısını itirməyə görə, 224 nəfəri isə digər növlər üzrə müavinət alanlardır. Yeni təyin olunmuş pensiyaçıların ümumi sayı 166 nəfər təşkil etmişdir.
Azərbaycan Respublikası Prezidentinin aylıq təqaüdü ilə təmin edilmiş vətəndaşların ümumi sayı 7067 nəfər olmuş, onlardan 4527 nəfəri Müharibə veteranı, 639 nəfəri 1-ci dərəcəli əlilə qulluğa görə, 509 nəfəri 1-ci dərəcəli əlilliyə görə Prezident təqaüdü, 555 nəfəri 18 yaşadək sağlamlıq imkanları məhdud uşaqlara qulluğa görə, 353 nəfəri şəhid ailə üzvləri, 326 nəfəri müharibə əlilliyinə görə təqaüd alanlar, 158 nəfəri isə digər Prezident təqaüdü alanlardır.
Ünvanlı dövlət sosial yardımı alan ailələrin sayı 244, ailə üzvlərinin sayı 1086 nəfər təşkil etmişdir. Hesabat dövründə bütün növ pensiya və sosial müavinətlər hər ay gecikmədən ödənilmişdir.
Əhalinin fasiləsiz, dayanıqlı və keyfiyyətli elektrik enerjisi ilə təmin olunması məqsədilə Qazax Elektrik Şəbəkəsi tərəfindən 23047 əhali və 1545 qeyri-əhali abonenti olmaqla, ümumilikdə 24592 abonentə xidmət göstərilmişdir. Rayon ərazisində istehlakçıların enerji təchizatının keyfiyyətinin yüksəldilməsi, abonentlərin dayanıqlı enerji təchizatının təmin olunması məqsədilə Şəbəkə tərəfindən 35/6 kv-luq Nasos, 35/10 kv-luq Qazaxbəyli, 35/10/6 kv-luq Xramçay yarımstansiyalarında və 50 ədəd müxtəlif güclü 10/0,4 kv-luq komplekt transformator məntəqələrində cari təmir işləri aparılmışdır.
Hava xətlərinə yaxınlaşan budaqlar 30,4 km məsafədə kəsilmiş, 15,2 km uzunluğunda tarımlama işləri aparılmış, 3 ədəd yararsız izolyator dəyişdirilmiş, 64 ədəd metal dayaqlar rənglənmiş, 32 ədəd dayağın yeri dəyişdirilmiş, 520 metr məsafədə əlavə faza xətti çəkilmiş, 4 ədəd yararsız dayaq yenisi ilə əvəz edilmiş, 4 ədəd əyri dayaq düzəldilmişdir.
Sərhəd kəndləri olan Quşçu Ayrım, Məzəm və Fərəhli kəndlərində 386 ədəd abonentə smart kart tipli sayğac quraşdırılaraq abonentlər 0,4 kv-luq hava xəttindən 0,4 kv-luq kabel xəttinin üzərinə köçürülmüşdür.
Rayon ərazisində 48 yeni abonent texniki şərt əsasında şəbəkəyə qoşulmuşdur. Sip kabelin çəkilişi 33,93% təşkil edir.
Şəmkir Regional Qaz İstismar İdarəsinin Qazax xidmət sahəsi tərəfindən ümumilikdə 22267 abonentə, o cümlədən 21839 əhali abonentinə, 428 qeyri-əhali abonentinə xidmət göstərilmişdir. Hesabat dövründə, 131 ədəd məişət qaz sayğacları yeni qaz sayğacları ilə əvəz edilmiş, 59 ədəd smart tipli qaz sayğacı quraşdırılmış, 59 yeni abonent təbii qazla təmin olunmuşdur.
Qazax Xidmət sahəsi tərəfindən, Qazax şəhərində və kəndlərdə ümumilikdə 400 p/m müxtəlif diametrli qaz xətləri korroziyaya uğradığı üçün yenisi ilə əvəz olunmuş, 650 p/m mövcud qaz xətləri rənglənmiş, 360 ədəd siyirtməyə texniki baxış və profilaktiki xidmət göstərilmişdir.
“Təmiz qaz” MMC tərəfindən rayon ərazisində aşkar olunmuş müxtəlif diametrli qaz xətlərində 2243 ədəd sızmanı aradan qaldırmaq üçün təmir işləri aparılmışdır. Kəmərli kəndinin qaz təsərrüfatı Əsaslı Təmir Proqramına salınmış və “Azəriqaz” İB-nin Təmir Tikinti İdarəsi tərəfindən qaz xətlərinin yenidən qurulması işləri həyata keçirilir.
“Aztelekom” MMC-nin Qazax Telekommunikasiya Qovşağı 16097 telefon abunəçisinə və 11093 internet abunəçisinə xidmət göstərir. Hər 100 ailəyə düşən telefon aparatları 78,2%, internet istifadəçiləri 68,6 % təşkil edir.
2022-ci ilin birinci rübü ərzində 23 ədəd rabitə dirəyi təmir olunmuş, 40 ədəd yararsız dirək dəmir dirəklə əvəz olunmuş, rayon mərkəzində və kəndlərdə ümumilikdə 840 metr müxtəlif tipli kabellər dəyişdirilərək nasazlıqlar aradan qaldırılmış, 5 ədəd abunə qutusu dəyişdirilmiş, 2 ədəd kanalizasiya quyusu təmir olunmuşdur. Ümumilikdə 2480 metr hava rabitə xətti texniki normaya gətirilmiş, 78 abunəçinin abunəçi naqili təmir olunmuşdur. Qovşaq üzrə yeni çəkiliş və təmir-bərpa işləri davam etdirilir.
“Azərpoçt” MMC-nin Qazax Poçt filialı tərəfindən 4111 ədəd məktub və 257 ədəd bağlama göndərilmiş, 2845 ədəd məktub və 478 ədəd bağlama qəbul edilmişdir. Məktub və bağlamalar vaxtlı- vaxtında sahibinə çatdırılmışdır.
“Qazax Avtovağzal” Açıq Səhmdar Cəmiyyəti 2022-ci ilin I rübü ərzində şəhər ətrafı 18000 nəfər, şəhərlərarası 87000 nəfər olmaqla cəmi 105000 nəfər sərnişinə xidmət göstərmişdir. Gün ərzində şəhər ətrafı marşrut üzrə 81, şəhərlərarası xətt üzrə 59 olmaqla, cəmi 140 avtobus və mikroavtobus sərnişinlərə xidmət göstərmişdir.
Sərnişin daşımalarına dispeçer nəzarəti artırılmış, avtobusların hərəkətinin təşkili, nəqliyyat vasitələrinin avtovağzal ərazisində vahid məkanda yerləşdirilməsi təmin edilmişdir. Koronavirus pandemiyasının qarşısının alınması məqsədilə avtonəqliyyat vasitələri mütəmadi olaraq dezinfeksiya olunmuş, marşrutlarda sərnişinlərin maskadan istifadə etmələrinə, COVID-19-a qarşı vaksin olunmalarına nəzarət artırılmışdır .
8 nömrəli Qazax Sukanal Sahəsi 7810 əhali abonentinə (21900 nəfər) və 312 qeyri-əhali abonentə, ümumilikdə 126,81 km su və 36,34 km kanalizasiya xəttinə xidmət edir. Magistral kanalizasiya xəttinin uzunluğu 9,54 kilometrdir.
Hesabat dövründə, şəhərdaxili daşıyıcı su və kanalizasiya xətlərində olan qəzalar aradan qaldırılmış, kanalizasiya xətləri üzrə 850 metr uzunluğunda mexaniki təmizlənmə işləri aparılmış, Ağköynək kəndi ərazisində 7, şəhər ərzisində 4 kanalizasiya baxış quyuları üzərində qapaqlar quraşdırılmışdır.
Qazax şəhər Kommunal Müəssisələri Kombinatı Qazax şəhərində təmizliyin və yaşıllığın qorunub saxlanılmasına xidmət edir. Təmizlik şöbəsinin işçiləri tərəfindən gündəlik 176 min kvadrat metr sahə süpürülərək zibilləri götürülür və ayrılmış zibil poliqonuna daşınaraq zərərsizləşdirilir. Yaşıllıq şöbəsinin işçiləri tərəfindən şəhərin ümumilikdə 11 ha parklarına, prospekt və küçələrdə olan yaşıllıqlara xidmət göstərilir.
Qazax Mənzil İstismar Sahəsi balansında olan 159 binaya xidmət edir və həmin binalarda 1931 mənzil var. Hesabat dövründə Sahə tərəfindən çoxmərtəbəli yaşayış binalarının tüstü bacaları və su novalçaları təmizlənmiş, binaların həyətlərində və zirzəmilərində təmizlik işləri aparılmış, binaların istismarı zamanı yaranmış qüsurlar aradan qaldırılmış və cari təmir işləri görülmüşdür. Sahə tərəfindən Qazax şəhəri, Azadlıq küçəsi 64 saylı binanın dam örtüyündə zədələnmiş hissələr təmir olunmuş, Heydər Əliyev prospekti 114 və 65 saylı binaların tüstü bacaları təmizlənmiş, Ş.Xiyabanı küçəsi 12, Azadlıq küçəsi 208 və N.Nərimanov yaşayış massivi 30 saylı binalarda su boruları dəyişdirilmiş, Ə.Qədirov küçəsi 2 saylı binanın dam örtüyündən su axan yerlər təmir olunmuş, Ş.Xiyabanı küçəsi 27 saylı binanın həyətində qırılmış su ventili dəyişdirilmiş, Ə.Dilbazi küçəsi 2 saylı binanın dam örtüyündə sınmış şiferlər dəyişdirilərək təmir olunmuş, N.Nərimanov yaşayış massivi 22, 23 və 24 saylı binaların giriş qapıları dəyişdirilərək metaldan yeni qapılar düzəldilmişdir.
Qazax-Tovuz Regional Təhsil İdarəsi Qazax Rayonu üzrə Təhsil Sektorunun tabeliyində 33 tam orta məktəb, 1 məktəb-lisey, 5 ümumi orta məktəb, 3 ibtidai məktəb, 2 məktəbdənkənar təhsil müəssisəsi fəaliyyət göstərir və 13599 nəfər şagirdin təlim-tərbiyəsi ilə 1582 nəfər pedaqoji işçi məşğul olur.
2021-2022-ci tədris ilində məktəbəhazırlıq qruplarının sayı 61, məktəbəhazırlıq qruplarına cəlb olunan uşaqların sayı 1034 nəfər olmuşdur.
Rayonda fəaliyyət göstərən 25 körpələr evi-uşaq bağçasından 6-sı Qazax şəhərində, 19-u isə kəndlərdə yerləşir. Bağçalardan 16-sı körpələr evi-uşaq bağçası, 9-u isə uşaq bağçasıdır. Şəhər bağçalarında 510 nəfər, kənd bağçalarında isə 437 nəfər olmaqla, ümumilikdə 947 nəfər uşaq təlim-tərbiyə alır. Rayon üzrə fəaliyyət göstərən körpələr evi-uşaq bağçalarında ümumilikdə 357 işçi çalışır ki, onlardan 140 nəfəri pedaqoji işçi, 216 nəfəri isə texniki işçidir.
Ölkə başçısının müvafiq Sərəncamına əsasən “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın icrası ilə bağlı hazırlanmış Tədbirlər Planına müvafiq olaraq Qazax rayon ümumtəhsil və məktəbdənkənar tərbiyə müəssisələrində məqsədyönlü işlər həyata keçirilmişdir.
Risk qrupuna daxil olan uşaqlar barədə məlumatlar hər bir məktəb üzrə müəyyən edilmiş, məktəb rəhbərləri və psixoloqlara görüləcək işlər barədə tapşırıqlar verilmiş, insan alverinə qarşı mübarizə ilə bağlı ümumtəhsil məktəblərində şagirdlər arasında söhbətlər aparılmışdır.
Tədris dövrü ərzində ümumi təhsillə bağlı normativ hüquqi aktların, Təhsil Nazirliyinin kollegiya qərarlarının, əmrlərinin, dövlət proqramlarının icrası təhsil şöbəsinin əməkdaşları və ümumi təhsil müəssisələrinin pedaqoji kollektivləri tərəfindən təmin edilmişdir.
Bakı Dövlət Universitetinin Qazax filialı regional ali təhsil müəssisəsi kimi rayonumuzda fəaliyyət göstərir. Filialda tədris ilinə hazırlıq və işlərin təşkilinə kompleks şəkildə yanaşılmış, imtahan sessiyasının mütəşəkkil təşkili, keçirilməsi və şəffaflığın təmin edilməsi məqsədilə imtahanlara nəzarət komissiyası, Qərargah və Apellyasiya komissiyası, eyni zamanda valideynlərə, ictimaiyyət nümayəndələrinə və KİV-lərə imtahanların gedişi prosesini izləmək üçün bütün imkanlar yaradılmışdır.
Hesabat dövründə filialda 2021-2022-ci tədris ilinin 1-ci yarımilinin dərsləri yekunlaşmış və payız imtahanları 05.01.2022 - 02.02.2022-ci il tarixlərdə keçirilmişdir.
2021-2022-ci tədris ilinin 2-ci yarımilində (16.02.2022-ci il tarixdən etibarən), pandemiya ilə mübarizə tədbirləri çərçivəsində karantin rejimi davam etdiyindən Filialda dərslər qismən onlayn (distant) olmaqla əsasən ənənəvi şəkildə təşkil edilmişdir. Dərslər və imtahanlar iki növbəli olmaqla, uyğun qrafik üzrə aparılmışdır.
BDU-nun Qazax filialında 1699 nəfər (1484 əyani, 215 qiyabi) tələbə və 22 magistr təhsil alır, işçilərin ümumi sayı 146 nəfər, professor-müəllim heyəti 71 nəfərdir.
Qazax Dövlət Sosial-İqtisadi Kollecinə 2021-2022-ci tədris ilində 400 nəfər tələbə qəbul olmuşdur. Hazırda 14 ixtisas (Bank işi, Maliyyə işi, Mühasibat uçotu, Elektrik təchizatı, Poçt rabitəsi, Su təsərrüfatı qurğularının istismarı, Tikiş məmulatları və trikotaj istehsalı texnologiyası, Aqrar (fermer) təsərrüfatının təşkili, Aqronomluq, Baytarlıq, Meşə və park, Yer quruluşu və daşınmaz əmlakın kadastrı, Zootexniklik, Sosial iş) üzrə cəmi 1067 nəfər tələbə təhsil alır. Tələbələrin təlim-tərbiyəsi ilə ümumilikdə 180 nəfər müəllim və texniki işçi çalışır. Tələbələrin hərbi vətənpərvərlik ruhunda tərbiyə olunmasına daha çox diqqət yetirilir.
Vüqar Süleymanov adına Qazax Peşə Liseyi kənd təsərrüfatı və sənaye təmayüllü olmaqla 1974-cü ildən fəaliyyət göstərir. Liseydə geniş profilli traktorçu-maşınçı, dülgər, dərzi, üzüm və şərab ustası, bitkiçilik mütəxəssisi, aqroservis mütəxəssisi və xalçaçı ixtisasları üzrə 135 nəfər şagird təhsil alır. Təhsil alan şagirdlərin təlim-tərbiyəsi ilə 66 nəfər müəllim və texniki işçi çalışır.
2021-2022-ci tədris ilində təlimin keyfiyyətinin yüksəldilməsi üçün metodiki komissiyaların və fənn birləşmələrinin fəaliyyəti artırılmış, 2022-ci ilin yanvar–mart ayları ərzində 3 açıq dərsin müzakirəsi aparılmış, təlim-tərbiyə işinin yüksəldilməsi üçün 5 məsələ müzakirə olunmuşdur. 2021-2022-ci tədris ilində Liseyi dülgər, aqroservis mütəxəssisi, bitkiçilik mütəxəssisi və xalçaçı ixtisasları üzrə 75 nəfər şagird bitirəcəkdir.
Ağstafa Regional Mədəniyyət İdarəsinin nəzdində fəaliyyət göstərən Qazax rayonu üzrə Mədəniyyət müəssisələrinin hesabat dövründə əsas işi – rayon əhalisinin asudə vaxtının səmərəli təşkili, milli adət-ənənələrimizin qorunub saxlanılması, daha da inkişaf etdirilməsi, mədəni irsimizin mühafizəsi, dövlətimizin daxili və xarici siyasətinin geniş təbliği, görkəmli şəxsiyyətlərin yubileylərinin təşkili, tarixi və əlamətdar günlərin, el bayramlarının keçirilməsi, əhaliyə yüksək keyfiyyətli mədəniyyət xidmətinin göstərilməsi olmuşdur.
Rayonda fəaliyyət göstərən 97 mədəniyyət müəssisəsindən 92-si Ağstafa Regional Mədəniyyət İdarəsinin tabeliyində olan mədəniyyət müəssisələridir. Mədəniyyət müəssisələrində 2022-ci ilin I rübü ərzində ümumilikdə 533 tədbir keşirilmiş, muzeylərə ekskursiyaya gələnlərin sayı 2736 nəfər olmuşdur.
Qazax rayon Heydər Əliyev Mərkəzində Azərbaycan xalqının Ümummilli Lideri Heydər Əliyevin siyasi irsinin təbliği, ölkəmizlə bağlı olan tarixi hadisələrin, əlamətdar günlərin qeyd olunması istiqamətində maarifləndirici tədbirlər keçirilmişdir. 2022-ci ilin I rübü ərzində Mərkəzdə ümumilikdə 22 tədbir keçirilmiş, Mərkəzə gələnlərin sayı 526 nəfər olmuşdur. Mədəniyyət müəssisələrində keçirilən bütün tədbirlər sosial şəbəkələrdə paylaşılmışdır.
“Avey” Dövlət Tarix-Mədəniyyət Qoruğu tərəfindən Qoruğun “Damcılı” və “Göyəzən” filiallarının ərazisində yazın gəlişi ilə əlaqədar təmizlik işləri aparılmış, salınan yaşıllıqlara qulluq göstərilmişdir. Novruz bayramı ərəfəsində rayona gələn turistlər və qonaqlar dünya əhəmiyyətli Damcılı mağara düşərgəsi və məşhur Göyəzən dağı ilə yaxından tanış olmuşlar. Qoruq əməkdaşları tərəfindən qonaqlara qoruq ərazisində olan tarixi abidələr, ərazidə aparılmış elmi-tədqiqat işləri haqqında geniş məlumatlar verilmiş, arxeoloji qazıntılardan tapılan eksponatlar sərgilənmişdir.
“Qazax Rayon Mərkəzi Xəstəxanası” Publik Hüquqi Şəxsin nəzdində 147 çarpayılıq şəhər xəstəxanası ( 50 çarpayılıq cərrahiyyə şöbəsi, 30 çarpayılıq terapiya şöbəsi, 12 çarpayılıq reanimasiya, 20 çarpayılıq pediatriya, 20 çarpayılıq doğum şöbəsi, 15 çarpayılıq infeksiya şöbəsi), Təcili və Təxirə Salınmaz Tibbi Yardım Stansiyası, Hemodializ şöbəsi, 4 ASM (Ailə Sağlamlıq Mərkəzi), 16 kənd həkim məntəqəsi, 17 kənd tibb məntəqəsi var.
Əhalinin COVID-19-a qarşı vaksinasiya prosesinin yüksək mütəşəkkilliklə aparılması üçün Qazax Rayon Mərkəzi Xəstəxanasında bütün zəruri tədbirlər görülmüşdür. Belə ki, vaksinasiya prosesinin həyata keçirilməsi məqsədilə Rayon Mərkəzi Xəstəxanasının yoluxucu xəstəliklər şöbəsində 1 qəbul otağı, 1 qeydiyyat otağı, 3 xüsusi peyvənd otağı, 2 nəzarət otağı, 1 təcili tibbi yardım otağı və həkim briqadaları ayrılmış, peyvəndlərin daşınması üçün TƏBİB-in təlimatlarına uyğun zəruri şərait yaradılmışdır. Eyni zamanda işin sürətlə getməsi üçün səyyar həkim briqadaları tərəfindən ağır xəstəliyi olan vətəndaşların evlərdə vaksinasiya prosesi həyata keçirilmişdir.
2022-ci ilin I rübü ərzində COVID-19 ilə bağlı 5257 nəfərdən test nümunəsi götürülmüş, 671 nəfərin test nəticələri pozitiv olmuşdur. Hesabat dövründə rayonda əhalinin COVID-19 infeksiyasına qarşı peyvənd olunması prosesi uğurla davam etdirilmiş, vətəndaşlara 1056 1-ci doza, 2525 2-ci doza, 18713 buster doza vaksin vurulmuşdur.
Vaksinasiya prosesi Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş "Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq həyata keçirilmişdir. Strategiyanın əsas məqsədi ölkəmizdə yayılmış koronavirus pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır ki, bu istiqamətdə rayon ərazisində məqsədyönlü tədbirlər görülmüşdür.
Rayon İcra Hakimiyyəti başçısının və “Qazax Rayon Mərkəzi Xəstəxanası” PHŞ-in direktorunun birgə təşəbbüsü ilə həkim briqadaları yaradılmış, şəhidlərin ailə üzvləri və qazilər yaşadıqları mənzillərdə həkimlər tərəfindən müayinə edilir, lazım olan dərman preparatları ilə təmin olunurlar. “Qazax Rayon Mərkəzi Xəstəxanası” PHŞ-in həkim kollektivi bu təbəqədən olan insanlara qayğını əsirgəmirlər.
Qazax Rayon Psixiatriya Xəstəxanasında 100 nəfər xəstə müalicə olunur. Hesabat dövründə xəstəxanada 39 nəfər qazi stasionar müalicədə, 9 nəfər qazi isə ambulator müalicədə olmuşdur. Xəstəxanaya müraciət etmiş Vətən müharibəsi qaziləri və iştirakçılarına, şəhid ailələrinə qayğı və diqqətlə yanaşılmış, həkim psixiatrların aylıq qrafiki təşkil edilmiş, müraciət edənlərə yüksək səviyyədə tibbi xidmət göstərilmişdir.
“Qazax Müalicə Diaqnostika Mərkəzi” Publik Hüququ Şəxsinə - 2022-ci ilin birinci rübü ərzində 7661 ambulator müraciət olmuş, 5567 laborator müayinələr aparılmış, stasionar şöbəyə 239 xəstə daxil olmuş və xəstələr üzərində 278 əməliyyat aparılmışdır.
Koronavirus (COVID-19) infeksiyasına qarşı mübarizə tədbirlərinin gücləndirilməsi məqsədilə Mərkəzdə 9 nəfərdən ibarət işçi qrupu yaradılmış, Mərkəzə müraciət edən və şübhəli bilinən xəstələr barəsində təcili tədbirlər görülmüşdür.
Hesabat dövründə Mərkəzin işçiləri rayon əhalisinin COVID-19 infeksiyasına qarşı peyvənd olunması işində fəal iştirak etmişlər. Həkim və orta tibb heyəti tərəfindən Vətən müharibəsində iştirak etmiş qazilərə və şəhidlərimizin ailə üzvlərinə Mərkəzdə və yaşadıqları ünvanlarda tibbi xidmət göstərilmişdir. Belə ki, 2022-ci ilin birinci rübü ərzində 23 şəhid ailəsinə və 16 qazi ailəsinə yüksək səviyyədə tibbi xidmət göstərilmişdir.
Qazax Rayon Gigiyena və Epidemiologiya Mərkəzinə 2022-ci ilin I rübü ərzində 292 təcili bildiriş vərəqəsi daxil olmuş, onlardan 17-sı kəskin bağırsaq infeksiyası, 14-ü ağciyər vərəmi, 112-si qurd xəstəlikləri, 149-u it dişləmələri olmuşdur. Eyni zamanda Mərkəzdə 689 COVID-19 xəstəsi qeydə alınmışdır.
Hər bir təcili bildiriş həkim və orta tibb işçisi tərəfindən araşdırılmış, xəstəlik mənbələrində əks epidemik və dezinfeksiya tədbirləri aparılmışdır. İçməli suyun bakterioloji çirklənməsinə nəzarət məqsədi ilə 4 nümunə götürülmüş və müayinə edilmişdir. Çirkab sularının müayinəsi üçün 3 nümunə və malyariya xəstəliyinə nəzarət məqsədi ilə qan müayinəsi üçün 40 qan preparatı Respublika Gigiyena və Epidemiologiya Mərkəzinə göndərilmişdir.
Respublika Gigiyena və Epidemiologiya Mərkəzinin 03.02.2020-ci il tarixli 05 saylı əmrinə əsasən koronavirus xəstəliyinə qarşı qabaqlayıcı əks epidemik və dezinfeksiyaedici tədbirlərin aparılması üçün Mərkəzdə 12 nəfər işçidən ibarət 5 qrup yaradılmışdır. Həmin işçilər gündəlik dezinfeksiya işlərinə cəlb edilmişdir.
Rayon Gənclər və İdman İdarəsi tərəfindən hesabat dövrü ərzində yeniyetmə və gənclərin siyasi, mənəvi tərbiyəsinin təkmilləşdirilməsi, onların sosial, intellektual, fiziki inkişafının təmin edilməsi, asudə vaxtlarının səmərəli təşkili sahələrinə yönəldilmiş bir sıra tədbirlər həyata keçirmişdir. Gənclərlə iş sahəsi üzrə 24 tədbir həyata keçirilmiş və keçirilən tədbirlərdə gənclərin bütün təbəqələri təmsil olunmaqla 1317 nəfər gənc iştirak etmişdir. Eyni zamanda, bədən tərbiyəsi və idman sahəsi üzrə 9 tədbir həyata keçirilmiş, keçirilən yarışlarda ümumilikdə 505 nəfər idmançı öz qüvvəsini sınamışdır. Qalib idmançılar Rayon Gənclər və İdman İdarəsi tərəfindən müvafiq diplom və medallarla təltif olunmuşlar.
Rayon Gənclər və İdman İdarəsi və gənclər təşkilatları tərəfindən Vətən müharibəsi iştirakçıları ilə görüşlər keçirilmiş, şəhidlərin məzarları ziyarət olunmuşdur.
Narkomaniyanın qarşısının alınması ilə bağlı birgə təbliğat və maarifləndirmə işinin təşkil edilməsi, gücləndirilməsi və davamlılığının təmin edilməsi istiqamətində aidiyyəti nümayəndələrin iştirakı ilə tədbirlər keçirilmişdir.
Gənclərin İnkişaf və Karyera Mərkəzinin Qazax nümayəndəliyi tərəfindən hesabat dövrü ərzində 67 tədbir keçirilmiş və bu tədbirlərdə ümumilikdə 2032 gənc iştirak etmişdir. Nümayəndəliyin “Gənc könüllülər”i keçirilən tədbirlərə aktiv qoşularaq fəal iştirak etmişlər.
“Qazax Gənclər evi” sosial xidmət müəssisəsi tərəfindən hesabat dövründə vətənpərvərlik mövzusunda tədbirlər, şəhid məzarlarının ziyarəti, Vətən müharibəsi iştirakçıları ilə görüşlər, psixoloji təlimlər, intellektual yarışlar, bayram tədbirləri, sağlam həyat tərzinin düzgün təşkili və müxtəlif mövzularda görüşlər keçirilmişdir. Keçirilmiş 41 tədbirdə ümumilikdə 1159 nəfər iştirak etmişdir. “Qazax Gənclər evi”nin facebook və instagram səhifələrinin hər birində 143 paylaşım olmaqla ümumilikdə 286 paylaşım edilmişdir.
Rayonda kənd təsərrüfatı məhsullarının artırılması məqsədilə, 2022-ci ilin məhsulu üçün 2021-ci ilin payızında 11312 hektar taxıl səpilmişdir ki, bunun da 4863 hektarı buğda, 6449 hektarı isə arpa sahələridir. Sahələrdə bitiş 100 faizdir. 3000 hektar taxıl sahəsinə yemləmə gübrəsi verilmiş, 370 hektarda isə alaq otlarına qarşı herbisidlə çiləmə aparılmışdır. Bundan başqa 2463 hektar taxıl sahəsində ziyanvericilərə qarşı mübarizə tədbirləri görülmüşdür.
2022-ci ilin I rübü ərzində 14 hektar buğda, 38 hektar arpa olmaqla 52 hektar yazlıq taxıl, 900 hektar kartof, 69 hektar vələmir, 52 hektar kələm, 20 hektar soğan, 20 hektar sarımsaq, 14 hektar qarğıdalı, 12 hektar noxud, 10 hektar günəbaxan, 85 hektar tərəvəz və 589 hektar yonca əkilmişdir.
Ümumi 1665 hektar meyvə bağlarından 399 hektarı fındıq bağıdır ki, bunun da 300 hektarı məhsuldar bağlardır. 284,70 hektar üzüm bağlarından 279 hektarı məhsuldar bağlardır. Rayonumuzda sahibkarlar tərəfindən 4,36 hektar müasir konstruksiyalı istixanalarda pomidor, xiyar və çiyələk becərilir.
Azərbaycan Respublikası Prezidentinin müvafiq Fərmanına uyğun olaraq, hər bir kənd təsərrüfatı məhsullarının istehsalçıları subsidiya almaqları üçün “Elektron kənd təsərrüfatı” İnformasiya Sistemində (EKTİS) qeydiyyatdan keçərək öz əkinlərini bəyan edirlər. Payızlıq əkinlərin qeydiyyatı 30.12.2021-ci il tarixdə başa çatmış, yazlıq əkinlərin bəyanı 31.05.2022-ci il tarixədək davam edəcəkdir. Hesabat dövründə rayon üzrə 8696 fermer tərəfindən 23561 əkin bəyanı verilmişdir. Bəyan verilmiş ümumi ərazi 14975 hektar təşkil edir.
“Aqroservis” ASC-nin Qazax rayon bölməsi tərəfindən 2022-ci ilin I rübü ərzində rayonumuzda fəaliyyət göstərən fermerlərə 136,2 ton gübrə satılmışdır. Hesabat dövründə heyvandarlığın inkişafı ilə bağlı 114 baş iri buynuzlu heyvanda süni mayalanma aparılmış, 42 baş cins tərkibi dəyişdirilmiş sağlam bala alınmışdır.
2022-ci ildə rayonumuzda 18 nəfər kümçü tərəfindən 50 qutu ipəkqurdu becərilməsi proqnozlaşdırılmış, bununla bağlı olaraq kümxanalar (15 ədəd) təmizlənmişdir.
Aparılmış baytarlıq tədbirləri nəticəsində rayon ərazisində kənd təsərrüfatı heyvanları arasında heç bir təhlükəli yoluxucu xəstəlik qeydə alınmamışdır. Hesabat dövrü ərzində, iri buynuzlu heyvanlar 30250 baş, xırda buynuzlu heyvanlar 141346 baş olmuş, 1328 ton ət (cəmi diri çəkidə), 7449,8 ton süd və 2715 min ədəd yumurta istehsal edilmişdir.
Qazax Suvarma Sistemləri İdarəsi rayonun 18911 hektar kənd təsərrüfatına yararlı torpaq sahələrinin suvarılmasına xidmət edir. Göstərilən sahələrin 11808 hektarı öz axımı ilə, 7103 hektarı isə mexaniki üsulla, yəni nasos stansiyaları vasitəsilə suvarılır. Rayonun yuxarıda qeyd olunan sahələrinin suvarılması tutumları 120 mln m3 olan Ağstafaçay su anbarı, 20 mln m3 olan Coğaz çay su anbarı, 2,6 mln m3 olan İncə-su çay su anbarı, 0,2 mln m3 olan “Acı dərə” kiçik su tutarında yığılan sular, öz başlanğıcını Gürcüstan Respublikasının ərazisində Ehram çayından götürən Şıxlı arxı, həmçinin Ehram və Kür çayları üzərində quraşdırılmış nasos stansiyaları vasitəsilə aparılır.
2022-ci ilin vegetasiya suvarmasına hazırlıqla əlaqədar 2021-ci ilin noyabr ayından rayonun ərazisində təmizlənməsi vacib olan 319,3 km uzunluğunda arxlar təmizlənməli olduğu halda, 347,6 km uzunluğunda təsərrüfatlararası və təsərrüfatdaxili suvarma şəbəkələrində Rayon İcra Hakimiyyətinin bilavasitə rəhbərliyi, nəzarəti, yaxından köməyi ilə Suvarma Sistemləri İdarəsinin qüvvəsi ilə lildən və kol-kosdan təmizlənərək vegetasiya suvarmasına tam hazır vəziyyətə gətirilmişdir. Təmizlənmiş arxların 184,3 km-i əl əməyi ilə, 163,3 km-i isə texnika vasitəsilə aparılmışdır.
Hesabat dövründə idarənin balansında olan 21 nasos stansiyadan hazırda işləyən 19-da yaz vegetasiya suvarmasına hazırlıqla əlaqədar cari təmir işləri davam etdirilir, eyni zamanda arx və kanallarda mövcud olan nöqsan və çatışmazlıqların aradan qaldırılması üçün cari təmir işləri görülür.
Belə ki, hesabat dövründə Alpout, Abbasbəyli, Birinci Şıxlı, Kəmərli, Yeni Abbasbəyli nasos stansiyalarında yaranmış qüsurlar təmir edilərək aradan qaldırılmış, bundan başqa Qazax Suvarma Sistemləri İdarəsinin balansında olan 205 ədəd subartezian quyusundan 17 ədəd quyuda cari təmir işləri aparılmışdır.
Eyni zamanda, İdarənin balansında olan Axmaz arxının baş su qəbul edicisində təzyiq söndürən hidrotexniki qurğu təmir edilmiş, Axmaz və Şıxlı arxlarında su ölçən qurğunun quraşdırılması üçün 10 pm uzunluğunda hissələrinə beton üzlük çəkilmişdir.
Kəmərli kəndində əhalinin həyətyanı sahələrinə su verilməsi üçün İncə su çayından su qaldırmaq üçün Güney arxına 15 pm uzunluğunda, Quzey arxına 7 pm uzunluğunda və İncəsu çay su anbarının su buraxan borusuna 24 pm uzunluğunda, müxtəlif diametrli dəmir borular salınaraq su təminatı yaxşılaşdırılmışdır.
2022-ci ilin vegetasiya suvarılmasını mütəşəkkil apararaq müvəffəqiyyətlə başa vurmaq üçün Qazax Suvarma Sistemləri İdarəsinin kollektivi bütün imkanlarını səfərbər etmişdir.
Qazax Melioservis İdarəsi təsərrüfat hesablı olmaqla müqavilələr əsasında arxların, kanalların lildən təmizlənməsi, hidrotexniki qurğuların təmiri və yenidən bərpası işlərini görür. İdarə sifarişçi təşkilatların elan etdiyi tenderlərdə iştirak etmək üçün sənədləri hazırlayıb aidiyyəti üzrə təqdim etmişdir, 2022-ci ilin I rübündə fəaliyyəti olmamışdır.
Qazax-Tovuz Regional Məşğulluq filialına 2022-ci ilin birinci rübü ərzində Qazax rayonu üzrə 35 müəssisədən 135 boş iş yeri təqdim olunmuşdur. Filiala 380 nəfər işaxtaran və işsiz vətəndaş müraciət etmiş, onlardan 275 nəfəri işaxtaran vətəndaş kimi qeydiyyata alınmış, 155 nəfərə təqdim olunmuş boş iş yerlərinə göndəriş verilmiş və onlardan 110 nəfəri daimi işlə təmin olunmuşdur.
Hesabat dövrü ərzində 15 nəfər işsiz vətəndaş “DOST İş Mərkəzi” MMC-də haqqı ödənilən ictimai işlərə cəlb olunmuşdur. Filial tərəfindən 9 nəfər işsiz vətəndaşa işsizlikdən sığorta ödənişi təyin olunmuşdur. Onlardan 2 nəfəri təkrar müraciət edən işsiz vətəndaşdır.
“Özünüməşğulluq” layihəsində işsiz və işaxtaran vətəndaşların iştirakı üçün Qazax rayonuna 199 yer ayrılmış, ondan 150 yer kənd təsərrüfatı üzrə, 49 yer isə xidmət sahəsi üzrə nəzərdə tutulmuşdur. Layihədə iştirak etmək üçün kənd təsərrüfatı üzrə 1543 nəfər, xidmət sahəsi üzrə 259 nəfər olmaqla, cəmi 1802 nəfər işsiz və işaxtaran vətəndaş müraciət etmişdir. Özünüməşğulluq Proqramı çərçivəsində 2021-ci il ərzində xidmət-istehsal sahəsi üzrə müraciət edərək qiymətləndirmədən uğurla keçmiş 48 nəfər vətəndaş 2022-ci ilin I rübü ərzində aktivlərlə təmin edilmişdir.
Qazax Rayon Dövlət Yanğından Mühafizə Hissəsinin bölmələri tərəfindən 2022-ci ilin I rübü ərzində rayon ərazisində baş vermiş 15 yanğın hadisəsinin qarşısı alınmışdır. Hesabat dövründə Qazax Rayon Dövlət Yanğından Mühafizə Hissəsinin 4 ədəd yanğın avtomobili və 1 ədəd xilasetmə avtomobili döyüş hesabı ilə birlikdə xidmət aparmışdır.
Azərbaycan Respublikasının Minatəmizləmə Agentliyinin (ANAMA) rayonumuzda keçirdiyi tədbirlərdə iştirak edilmiş, hesabat dövründə rayonun Xanlıqlar kəndi ərazisində aşkar edilmiş 1(bir) ədəd partlamamış hərbi sursat zərərsizləşdirilmişdir.
Səfərbərlik və Hərbi Xidmətə Çağırış üzrə Dövlət Xidmətinin Qazax rayon şöbəsi tərəfindən, 2022-ci ilin yanvar ayında vətəndaşların müddətli həqiqi hərbi xidmətə çağırılması haqqında Azərbaycan Respublikası Prezidentinin müvafiq Sərəncamına uyğun olaraq, Qazax rayonunda vətəndaşların müddətli həqiqi hərbi xidmətə çağırışı tam olaraq mütəşəkkil və vaxtında yerinə yetirilmişdir.
2022-ci il yanvar çağırışında Qazax rayonu üzrə 80 nəfər çağırışçı müxtəlif hərbi hissələrə təyin olunmuş və təyin olunduğu hərbi hissələrə tam olaraq vaxtında təhvil verilmişdir.
Gənclərin çağırışaqədər hazırlıq işi Qazax Rayon İcra Hakimiyyəti başçısı tərəfindən təsdiq edilmiş Tədbirlər Planına uyğun olaraq 2022-ci ilin birinci rübündə tam yerinə yetirilmişdir.
