Milli Qurtuluş gününə həsr olunmuş turnir keçirilmişdir
Azərbaycan Respublikası Döyüş Federasiyasının və Rayon Gənclər və İdman İdarəsinin təşkilatçılığı ilə 15 iyun – Milli Qurtuluş Gününə həsr olunmuş Əlbəyaxa döyüş idman növü üzrə açıq rayon turniri keçirilmişdir. Turnir iştirakçıları əvvəlcə Ümummilli Lider Heydər Əliyevin xatirəsini yad etmilş və abidəsi önünə gül - çiçək dəstələri qoymuşlar.
Ağstafa, Qazax və Şəmkir rayonlarından 6 komandanın iştirakı ilə Qazax şəhər 4 saylı orta məktəbin idman zalında keçirilən turniri giriş sözü ilə Azərbaycan Respublikası Döyüş Federasiyasının baş məşqçisi Xaləddiin Şirinov açmış, idmançıları salamlamış və Qurtuluş günü münasibətillə onları təbrik etmişdir. Sonra Azərbaycan Respublikasının Dövlət Himni səsləndirilmişdir. Azərbaycan Respublikası Döyüş Federasiyasının Prezidenti Azər Əhmədov və Qazax rayon Gənclər və İdman İdarəsinin rəisi Vüqar Nəbiyev çıxış etmişlər.
Sonda qalib komandalara Azərbaycan Respublikası Döyüş Federasiyasının diplom və medalları təqdim edilmişdir.
