YAP Qazax rayon təşkilatının Qadınlar Şurasının konfransı keçilmişdir
24 aprel 2014-cü il tarixdə Yeni Azərbaycan Partiyası Qazax rayon təşkilatının Qadınlar Şurasının 3-cü konfransı keçirimişdir. Konfransı giriş sözü ilə YAP Qazax rayon təşkilatı Qadınlar Şurasının sədri Nəsibə Tağıyeva açmış və hesabat məruzəsi ilə çıxış etmişdir. O, məruzəsində Qadınlar Şurasının ötən konfransdan indiyədək olan dövrdə gördüyü işlərdən, həyata keçirilən tədbirlərdən və 2013-cü ildə Prezident seçkilərində rayon qadınlarının fəallığından ətraflı danışmışdır.
Məruzə ətrafında YAP Qazax rayon təşkilatının Şura üzvləri Səfurə Rəhimova, Tərlan Bədəlova, rayon təşkilatı Qadınlar Şurasının üzvləri Nəzakət İsgəndərova və Gülayə Həsənova çıxış etmişlər. YAP Qazax rayon təşkilatı Qadınlar Şurasının ötən konfransdan indiyədək olan dövrdə gördüyü işlər qənaətbəxş hesab edilmişdir.
Sonra təşkilatı məsələlərə baxılmışdır. Tərkibi 13 nəfərdən ibarət YAP rayon təşkilatı Qadınlar Şurasının üzvləri seçilmişdir. N.Tağıyeva YAP Gənclər Birliyi Qazax rayon təşkilatının fəal üzvü Asya Əhməd qızı Alhüseynovanın rayon təşkilatı Qadınlar Şurasının sədri seçilməsi təklifini irəli sürmüşdür. Şura üzvləri yekdilliklə bu təklifi bəyənmişlər və açıq səsvermə yolu ilə Asya Əhməd qızı Alhüseynova YAP Qazax rayon təşkilatı Qadınlar Şurasının sədri, Afət Telman qızı Eyyubova sədrin müavini seçilmişlər.
YAP Qazax rayon təşkilatı Qadınlar Şurasının üzvlərindən Asya Əhməd qızı Alhüseynova, Afət Telman qızı Eyyubova, Mahirə Mehralı qızı Abbasova Yeni Azərbaycan Partiyası Qadınlar Şurasının növbəti konfransına nümayəndə seçilmişlər. Konfransda YAP Qazax rayon təşkilatının sədri Həmid Pənahov çıxış etmiş, qadınların cəmiyyətdəki rolundan ətraflı danışmış və yeni seçilmiş Qadınlar Şurasının üzvlərini təbrik etmişdir. Onlara gələcək fəaliyyətlərində uğurlar arzulamışdır.
