Yeni il şənliyinə hazırlıq işlərinə başlanılmışdır

15 dekabr 2018 | 16:00

31 Dekabr – Dünya Azərbaycanlılarının Həmrəyliyi Günü və Yeni il münasibətilə respublikamızın hər yerində olduğu kimi, Qazax rayonunda da silsilə tədbirlər həyata keçirilir. Şəhər və kəndlər bayramsayağı bəzədilir,rayonda bayram günlərinin şən və maraqlı keçirilməsi üçün lazımi tədbirlər görülür. Artıq şəhərin mərkəzində yeni təqvim ilinin gəlişi ilə əlaqədar hazırlıq işlərinə başlanılmışdır.

Şəhərin Mərkəzində yerləşən "Fəxri qazaxlılar” parkında 9 metr hündürlüyündə yolkanın bəzədilməsi işlərinə start verilmişdir. Bundan əlavə park və küçələr, ticarət və iaşə obyektlərinin vitrinləri bayramsayağı bəzədilmişdir. Şəhərin gecə işıqlandırılmasına xüsusi diqqət yetirilmiş, küçə və meydanlar, fərdi evlərin və ictimai binaların fasad və eyvanları bayram oyuncaqları ilə bəzədilmişdir.

Bu gün şəhərdə yeni il hazırlıqla bağlı görülmüş işlərlə tanış olmaq üçün icra başçısı şəhərin mərkəzi küçələrinə və parklara baxış keçirmiş, müvafiq tapşırıq və tövsiyyələrini vermişdir.

Keçidlər