Əhalinin tibbi müayinəsi başa çatmışdır
Qazaxda ölkə prezidenti İlham Əliyev cənablarının tapşırığı ilə cari ilin fevralın 02-dən mayın 01-nədək respublika əhalisinin ümumi profilaktik müayinələrə cəlb olunması aksiyası çərçivəsində rayondakı Müalicə Diaqnostika Mərkəzində, Şəhər Poliklinikasında və xüsusi həkim briqadaları tərəfindən yaşayış məntəqələrində keçirilən əhalinin tibbi müayinəsi başa çatmışdır.
Aksiya çərçivəsində 68455 nəfər rayon sakini tibbi müayinədən keçirilmişdir. Onlardan 4222 nəfərinə ambulator, 606 nəfərinə isə stasionar müalicə kursu təyin olunmuş, 197 nəfər Bakı şəhərinə müalicəyə göndərilmişdir.
Artıq iki il davam edən aksiyada pulsuz tibbi muayinədən keçən sakinlər onların sağlamlığının etibarlı şəkildə qorunması, xəstəliklərin erkən aşkar edilərək müalicəyə cəlb olunması məqsədilə keçirilən bu aksiyanı yüksək qiymətləndirmiş və ölkə prezidentinə dərin minnətdarlıqlarını bildirmişlər.
