“Milli Qəhrəmanlar zirvəsi” silsiləsindən Azərbaycanın Milli Qəhrəmanı Gültəkin Əsgərovaya həsr olunmuş “Qeyrət rəmzi” adlı anım tədbiri keçirilmişdir
Qazaxda “Milli Qəhrəmanlar zirvəsi” silsiləsindən Azərbaycanın Milli Qəhrəmanı Gültəkin Əsgərovaya həsr olunmuş “Qeyrət rəmzi” adlı anım tədbiri keçirilmişdir.. Tədbirdə rayonun təhsil, mədəniyyət işçiləri, tələbələr və məktəblərin yuxarı sinif şagirdləri, fəal oxucular və KİV nümayəndələri iştirak etmişlər. Tədbiri giriş sözü ilə MKS-nin direktoru Solmaz Babanlı açmış və şəhidlərimizin xatirəsi bir dəqiqəlik sükutrla yad edilmişdir. S.Babanlı çıxışına Ulu Öndər, Ümummilli Lider Heydər Əliyevin sözləri ilə başlamış və demişdir ki, xalqımızın igid oğullarının həyatı ibrət məktəbi, mənəviyyat mənbəyidir. Həqiqətən də torpaqlarımızın azadlığı, müstəqilliyi uğrunda şəhid olanların, qanlı döyüşlərdə qəhrəmanlıq göstərənlərin hər birinin həyat yolunu hər kəs bilməli, onlardan nümunə götürməlidirlər.
Kitabxananın Multimedia resursları üzrə mütəxəssisi Samirə Mansurova Milli Qəhrəmanın həyatı və keçdiyi döyüş yolu haqqında geniş məruzə etmişdir. Sonda belə bir fikir vurğulanmışdır ki, şəhidlik zirvəsinə yüksəlmiş Vətən övladlarının xatirəsinin anılması şəhid adına hörmət və ehtiramdır. Bundan başqa, bu cür tədbirlər yetişməkdə olan gənc nəslin hərbi vətənpərvərlik ruhunda tərbiyə olumasında çox böyük rol oynayır.
Tədbirin sonunda Azərbaycanın Milli Qəhrəmanı Gültəkin Əsgərova haqqında çəkilmiş video-çarx nümayiş olunmuşdur.
