Dünya çempionu ilə görüş keçirilmişdir
Rayonumuzda MMA (qarışıq idman) döyüş növü üzrə həvəskarlar arasında Türkiyənin Antalya şəhərində keçirilən yarışlarda dünya çempionatının qalibi olmuş Orxan Vəliyevlə görüş keçirilmişdir. Gənclər Mərkəzində keçirilən görüşdə rayonumuzda fəaliyyət göstərən idmançılar, məşqçi-müəllimlər, KİV nümayəndələri, təşkilat rəhbərləri iştirak etmişdir. Əvvəlcə tədbir iştirakçıları Ulu Öndər Heydər Əliyevin əziz xatirəsini anmışlar və abidəsi önünüə gül-çiçək dəstələri qoymuşlar. Rayon Gənclər İdman İdarəsinin rəisi Vüqar Nəbiyev tədbiri giriş sözü ilə açaraq qalib adını qazanmış idmançını təbrik etmiş, rayonumuzda idman sahəsinə olan diqqət və qayğıdan söz açmışdır.
Çempionun məşqçisi Şahsuvar Məhyəddinov öz çıxışında dünya çempionu adını almış idmançını təbrik etmiş, “Avey” idman klubun fəaliyyətindən, əldə edilən uğurlardan danışmışdır.
Orxanın doğulub boya başa çatdığı Yuxarı Salahlı kəndinin bələdiyyə sədri Şahismayıl Məmmədov, Yuxarı salahlı kənd tam orta məktəbin direktoru Məhəmməd Qocayev, qol güləşi idman növü üzrə dünya çempionu Azər Əliyev, yunan-roma güləşi üzrə məşqçi Tarıyel Nəsibov və başqaları çıxış edərək idmançını qazandığı uğura görə təbrik etmişlər, ona Azərbaycanın üçrəngli bayrağını daha yüksək arenalarda dalğalandırmağı arzu etmişlər.
Qazax rayon İcra Hakimiyyəti Başçısının müavini Gulaya Həsənova tədbirdə çıxış edərək Orxanın qazandığı qələbədən danışmış, Ulu Öndər Heydər Əliyevin, onun layiqli davamçısı Ölkə Prezidenti cənab İlham Əliyevin gənclər siyasətindən söz açmış, rayon rəhbərliyi tərəfindən idmana, idmançılara göstərilən diqqət və qayğıdan danışmışdır.
Dünya çempionu Orxan Vəliyev çıxış edərək qazandığı qələbəyə görə Ölkə Prezidenti İlham Əliyev cənablarına, təmsil etdiyi “Avey” idman klubunun prezidenti Arzuman Abdulkərimova və ona dəstək olan bütün insanlara öz dərin minnətdarlığını bildirmişdir.
Tədbirin sonunda dünya çempionuna və onun məşqçisinə Qazax rayon İcra Hakimiyyəti Başçısının Fəxri Fərmanları və qiymətli hədiyyələr verilmişdir.
