Güləş zalında əsaslı təmir işləri aparılmışdır
Güləş zalında əsaslı təmir işləri aparılmışdır. Bina təxminən 1891-ci ildə kilsə kimi tikilmişdir. Sovet dövründə binadan müxtəlif məqsədlər üçün istifadə olunmuşdur. 1987-ci ildə sonra Qazax rayon Təhsil şöbəsinin nəzdində fəaliyyət göstərən Uşaq İdman Məktəbinin Güləş zalı kimi sitifadə olunmuşdur. Lakin uzun müddət bina baxımsız qaldığına görə istifadə üçün tam yararsız hala düşmüşdür. Məktəbin gənc idmançıları demək olar ki, məşq edə bilmirdilər.
Cənab Rəcəb Babaşov rayon İcra Hakimiyyətinin başçısı təyin edildikdən sonra Təhsil şöbəsinin nəzdindəki müəssisələrlə tanış olarkən həmin binanın acınacaqlı vəziyyətini görmüş və əsaslı təmiri üçün öz tapşırıq və tövsiyələrini vermişdir. Hazırda binada əsaslı təmir işləri başa çatmaq üzrədir. İndiyədək binanın iç hissəsində 650 kvadrat metr sahə suvanaraq rənglənmiş, 105 kvadrat metr döşəmə yonularaq laklanmış, 7,5 kvadrat metr ölçüdə hamam tam yenidən qurulmuş, 25 kvadrat metr metlax döşənmiş, binanın giriş qapısı və 2 ədəd daxili qapı yenisi ilə əvəz olunmuş, yeni kanalizasiya sistemi çəkilmiş və işıq sistemi qurulmuşdur.
Bundan başqa, binanın 380 kvadrat metr fasad hissəsi rənglənmiş, giriş pilləkanına yeni üzlük və 100 kvadrat metr həyətə tamet döşənmişdir.
Hazırda son tamamlama işləri gedir.
