İcra başçısı vətəndaşın müraciətini dinləyib

Ölkə Prezidenti İlham Əliyevin yerlərdə vətəndaş müraciətlərinə obyektiv şəkildə baxılması, vətəndaş məmnunluğunun təmin edilməsi ilə bağlı müvafiq Sərəncam və tapşırıqlarının icrasına Qazax rayonunda hər zaman operativ və həssaslıqla yanaşılır. Ölkə başçısı İlham Əliyevin və Birinci vitse-prezident Mehriban xanım Əliyevanın vətəndaşlara göstərdikləri qayğı isə hər bir dövlət məmuruna örnək olmalıdır.  

Vətəndaş məmnunluğunun təmin olunması istiqamətində dövlət siyasətini əsas tutaraq, rayon İcra Hakmiyyətinin inzibati binasında fərdi və ümumi şəkildə vətəndaşların qəbulları həyata keçirilir, müraciət və təklifləri dinlənilir. Rayonda şəhid ailələri və müharibə iştirakçılarının sosial qayğılarının öyrənilməsi və həlli isə daim diqqət mərkəzində saxlanılır. Vətəndaşlara göstərilən diqqət və qayğını hər an hiss edən hər bir rayon sakini İcra Hakimiyyətinə ünvanlanmış müraciətə, yazılan məktuba, görüşdə səslənən fikirə həssaslıqla yanaşılacağını yaxşı bilir. 

İyulun 15-də Qazax Rayon İcra Hakimiyyətinin başçısı Rəcəb Babaşov Qazax şəhər sakini Həsənov Asif Söyün oğlunu nəvəsi Həsənova Fidan Babək qızının işlə təmin olunması barədə müraciəti ilə əlaqədar fərdi qəbul edib. Qəbul zamanı vətəndaşın müraciəti dinlənilərək nəvəsi F.Həsənovaya MİQ-ə verdiyi imtahanla narazılığı barədə Azərbaycan Respublikasının Elm və Təhsil Nazirliyinə müraciət etməsi tövsiyə edilib.