İcra başçısı vətəndaşları fərdi qəbul edərək müraciətlərini dinləyib
Cənab Prezident İlham Əliyev, Birinci vitse-prezident Mehriban xanım Əliyeva tərəfindən vətəndaşlara göstərilən qayğının kökündə ölkəmizdə həyata keçirilən dövlət siyasəti, bu siyasətin tərkib hissəsi olan vətəndaş amili dayanır. Ən önəmlisi isə odur ki, bu, bütün sahələrdə əsas götürülməklə yanaşı, həm də hər bir dövlət məmuruna nümunədir.
Ölkə başçısının yerlərdə vətəndaş müraciətlərinə obyektiv şəkildə baxılması, vətəndaş məmnunluğunun təmin edilməsi ilə bağlı müvafiq sərəncam və tapşırıqlarının icrasına Qazax rayonunda hər zaman operativ və həssaslıqla yanaşılır.
Vətəndaş məmnunluğunun təmin olunması istiqamətində dövlət siyasətini əsas tutaraq, Rayon İcra Hakimiyyətinin inzibati binasında vətəndaşların fərdi və ümumi qəbulları həyata keçirilir, müraciət və təklifləri dinlənilir. Rayonda şəhid ailələri və müharibə iştirakçılarının sosial qayğılarının öyrənilməsi və həlli də daim diqqət mərkəzində saxlanılır.
Aprelin 14-də Qazax Rayon İcra Hakimiyyətinin başçısı Rəcəb Babaşov rayonun Daş Salahlı, Hüseynbəyli və Aslanbəyli kəndlərindən müraciət etmiş 3 nəfər vətəndaşı fərdi qəbul edib. Qəbulda vətəndaşların müxtəlif məzmunlu müraciəti dinlənilərək müvafiq olaraq cavablandırılıb.
