Qazax RİH-də növbəti vətəndaş qəbulu keçirilib
Ölkə Prezidenti İlham Əliyevin səsləndirdiyi “Siz daim insanlarla təmasda olmalısınız. Bütün kəndlərdə olmalısınız, kənd camaatının qayğıları ilə yaşamalısınız, onları narahat edən problemləri onların dilindən eşitməlisiniz və imkan daxilində bu problemləri həll etməlisiniz. Nəyə gücünüz çatırsa, rayon daxilində həll etməlisiniz. Elə məsələlər var ki, onlar dövlət orqanları tərəfindən həll olunmalıdır. Bu barədə də aidiyyəti dövlət orqanlarına müraciət etməlisiniz – Prezident Administrasiyasına, Nazirlər Kabinetinə, aidiyyəti dövlət qurumlarına ki, mövcud problemlər öz həllini tapsın. Əgər hər bir kəndin problemi həll olunarsa, demək olar ki, ölkədə insanları narahat edən ciddi problem qalmayacaq” fikirlər onu deməyə əsas verir ki, vətəndaş amili, vətəndaş məmnunluğu hər zaman dövlət siyasətinin əsasını təşkil edir.
Ölkəmizdə dövlət siyasətinin əsasında vətəndaş amilinin dayanması Prezident İlham Əliyev və Birinci vitse-prezident Mehriban Əliyeva tərəfindən vətəndaşlara göstərilən qayğıda hər zaman öz əksini tapır. Ən əsası da hər bir dövlət məmuruna örnək olan bu addım bütün sahələrdə əsas götürülür.
Qazaxda bu amili əldə rəhbər tutan rayon rəhbəri tərəfindən vətəndaşların fərdi və ya ümumi şəkildə qəbul edilməsi də bu məqsədə xidmət edir.
Bu həftə ərzində müraciət etmiş daha 16 nəfər vətəndaşın istəyi avqustun 19-da idarə, müəssisə və xidmət sahələri rəhbərlərinin iştirakı ilə dinlənilib.
“Dövlət məmurunun vəzifəsi vətəndaş məmnunluğunu təmin etmək, onlara layiqli xidmət göstərməkdir”, - deyən Qazax Rayon İcra Hakimiyyətinin başçısı Rəcəb Babaşov vətəndaş məmnunluğunu təmin etməyin hər kəsin borcu olduğunu bildirib. İcra başçısı bugünkü qəbulun da bu məqsədi daşıdığını qeyd edərək vətəndaşlara olan səmimi münasibətin, göstərilən diqqət və qayğının bundan sonra da əvvəlki tək olacağını söyləyib. Bu günə kimi, şəhər və kəndlərdə sakinlərlə keçirilən görüşlər zamanı səslənən müraciətlərə operativ şəkildə baxılmasının, vətəndaşların yaşadığı ünvandan asılı olmayaraq istəyinə əsasən yerində baxış keçirilməsinin, qaldırılan məsələlərin həlli istiqamətində yerindəcə tapşırıq verilməsinin, vətəndaşların ərizə və müraciətlərinə əsasən keçirilən qəbulların arxasında hər zaman vətəndaş məmnunluğunun dayandığını bildirib.
"Tutduğu vəzifədən asılı olmadan hər bir dövlət məmuru çalışmalıdır ki, vətəndaş müraciət etdiyi müəssisədən məmnunluqla ayrılsın, razı qalsın”, - deyən icra başçısı qəbulda iştirak edən idarə, müəssisə, təşkilat, eləcə də xidmət sahələri rəhbərlərinə dövlət məmuru olaraq vətəndaşlara, xüsusilə də şəhid ailələrinə, qazilərə, müharibə iştirakçılarına qarşı hər zaman qayğı ilə yanaşmalı, daim diqqət ayırmalı, qaldırılan hər bir məsələyə həssaslıqla baxmalı olduqlarını qeyd edib. Bununla bağlı aidiyyəti üzrə müvafiq tapşırıqlarını verib.
Sonra Qazax şəhər sakinləri Mustafayev Aqil İsmayıl oğlunun, Salmanova Sevda Əli qızının, İsayeva Adilə Vanoy qızının, Musayev Əlövsət İsgəndər oğlunun, Məmmədov Məmməd Fevral oğlunun, Hacıyeva Mehriban Mayıl qızının, Daş Salahlı kənd sakinləri Qasımova Çinarə Mansur qızının, Məşədiyev Rəfail Arif oğlunun, Aşağı Salahlı kənd sakinləri Yusubov Famil Kamil oğlunun, Balayeva Asimə Hüseyn qızının, Qarapapaq kənd sakini Quliyev Niyaməddin Nurəddin oğlunun, Çaylı kənd sakini Qəsəbov Azim Oruc oğlunun, Ağköynək kənd sakini Eyubova Fatma Şofir qızının, Ağstafa şəhər sakini Əhmədova Aybəniz Mərdan qızının, Xanlıqlar kənd sakini Allahquluyeva Zenfira İdris qızının müxtəlif məzmunlu müraciətləri dinlənilib.
Vətəndaşların işlə təmin olunma ilə bağlı müraciətlərinə cavab olaraq Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz Regional Məşğulluq filialı ilə əlaqə saxlamaları bildirilib. Məşğulluq Mərkəzində olan boş vakant yerlərə iş təklif olunması üçün aidiyyəti üzrə tapşırıq verilib. Vətəndaşların digər müxtəlif məzmunlu müraciətləri müvafiq olaraq cavablandırılıb. Səslənən hər bir məsələyə həssaslıqla yanaşılacağı, diqqətlə baxılacağı bildirilib.
Rayon rəhbəri idman sahəsinə, idmançılara hər zaman qayğı göstərir. Bu gün Bakı şəhərində yaşayan, idmanla məşğul olan qazaxlı Yusubov Tapdıq Məhəmməd oğlunu da qəbul edib. T.Yusubov icra başçısı ilə səmimi söhbət edərək razılığını bildirib. İdman sahəsində qazandığı uğurlardan danışaraq Azərbaycan Kikboksinq Federasiyasının üzvü olaraq yığma komandanın tərkibində bu ilin 12-15 may tarixlərində Türkiyənin İstanbul şəhərində keçirilən Dünya kubokuna qatıldığını qeyd edib. 94 kq çəki dərəcəsində bütün rəqiblərinə qalib gələrək finalda misirli idmançını məğlub etdiyini, dünya kubokunu qazandığını vurğulayıb. T.Yusubovla səmimi söhbət edən icra başçısı ona gələcək fəaliyyətində uğurlar arzulayaraq sonda xatirə şəkli çəkdirib.
