Qazaxda icra başçısı vətəndaşların müraciəti ilə yerində tanış olub
Ölkə Prezidenti İlham Əliyevin rəhbərliyi altında həyata keçirilən dövlət siyasətinin əsasını vətəndaş amili, vətəndaş məmnunluğu təşkil edir. Ən önəmlisi də odur ki, bu, bütün sahələrdə ön plana çəkilir. Ölkə başçısının verdiyi bütün tapşırıq və tövsiyələr vətəndaşlar tərəfindən qaldırılan məsələlərin, edilən müraciətlərin müsbət həllini tapmasına xidmət edir.
Ölkə Prezidentinin icra hakimiyyəti başçılarını, eləcə də mərkəzi icra hakimiyyəti orqanlarının rəhbərlərini qəbul edərkən öz çıxışlarında dəfələrlə dövlət məmurları haqqında söylədiyi fikirlər, dövlət məmurlarına daim xalqın içində olmaları, bütün kəndləri gəzmələri, sakinlərlə görüşmələri, vətəndaşların qayğılarını, problemlərini onların öz dilindən öyrənmələri, düzgün təhlil aparmaları barədə aidiyyəti üzrə verdiyi tapşırıq və tövsiyələr bunun əyani sübutudur.
Dövlət başçısının yerlərdə vətəndaş müraciətlərinə obyektiv şəkildə baxılması və vətəndaş məmnunluğunun təmin edilməsi ilə bağlı müvafiq Sərəncam və tapşırıqlarının icrasına Qazax rayonunda da operativ və həssas yanaşılır. Xüsusilə də şəhid ailələri və müharibə iştirakçılarının sosial qayğılarının öyrənilməsi və həlli daim diqqətdə saxlanılır. Ən əsası da vətəndaş məmnunluğunun təmin olunması məqsədilə Qazax Rayon İcra Hakmiyyətinin və aidiyyəti xidmət sahələrinin məsul əməkdaşları tərəfindən edilən müraciətlər vətəndaşların iştirakı ilə yerində araşdırılır, mövcud problemlərin həlli istiqamətində müvafiq əməli tədbirlər həyata keçirilir.
Aprelin 24-də Qazax Rayon İcra Hakimiyyətinin başçısı Rəcəb Babaşov RTS qarajının həyətində məskunlaşmış Kərimova Aybəniz Heydər qızının və digər bir qrup vətəndaşın yaşadıqları evə qaz xəttinin çəkilməsində köməklik göstərilməsi barədə müraciətləri ilə yerində tanış olub.
İcra aparatının məsul işçiləri, rayonun hüquq-mühafizə orqanlarının rəhbərləri, Şəmkir Regional Qaz İstismar İdarəsinin rəisi Taleh Şamradov, Şəmkir Regional Qaz İstismar İdarəsi Qazax Xidmət Sahəsinin rəis müavini Şahlar Əsədov və digər aidiyyəti şəxslərlə birlikdə yerində baxış keçirən rayon rəhbərliyi tərəfindən vətəndaşların müraciətlərində qeyd etdikləri məsələ ilə əlaqədar bildirilib ki, fərdi yaşayış evinin qazlaşdırılması üçün vətəndaş “ASAN xidmət” və ya "ASAN kommunal" mərkəzlərinə müraciət etməlidir.
