Şriftin ölçüsü :

Saytın rəngi :

İcra başçısı Kosalar kənd sakini Məşədi İbrahimin yaşadığı evdə görülən işlərlə tanış olub

31 may 2022 | 18:25

Əvvəlki yazılarımızda qeyd etdiyimiz kimi, artıq xeyli vaxtdır ki, ADA Universitetinin "Bir müəllimin manifesti” layihəsi çərçivəsində Qazax Müəllimlər Seminariyasının tarixi binası əsaslı şəkildə yenidən qurulur. ADA Universitetinin "Bir müəllimin manifesti” təşəbbüsü çərçivəsində tariximizin incisi hesab edilən Qazax Müəllimlər Seminariyasının binasını bərpa etməsi milli təhsilimizin inkişafı istiqamətində atılan növbəti uğurlu addımdır. Firudin bəy Köçərlinin misilsiz çətinliklər bahasına qurduğu və ilk direktoru olduğu Seminariya binasının bərpası Azərbaycanda maarifçilik irsimizin yaşadılması, Seminariyadan aldığımız milli qürurumuzun bərpasıdır. Bu, illər öncə yandırılan elm işığının daha gur yanması, ətrafına yeni nəsil maarifçiləri toplaması deməkdir. Həyata keçiriləcək birgə layihələrlə müasir təhsil tariximizin növbəti səhifələri məhz burada yazılacaq. Bu, hər bir qazaxlı üçün qürurvericidir. Bu nümunəvi təşəbbüsə görə ADA Universitetinin rektoru, səfir Hafiz Paşayevə və əməyi keçən insanlara sonsuz minnətdarlıq ifadə olunur.

Bu gün qürurverici haldır ki, vaxtilə özünün 17 otaqlı mülkünü Qazax Müəllimlər Seminariyasına bağışlamış Qazax rayon Kosalar kənd sakini Məşədi İbrahim Hacı İsmayıl oğlunun yaşadığı ev də təmir olunur. Məşədi İbrahimin yaşadığı mülkün təmir olunması təhsilimizin, elmin inkişafına dəstək olan insanlara verilən qiymət və dəyərdir. Bu nümunəvi addım Məşədi İbrahimin timsalında təhsilin inkişaf etməsində əməyi keçən xeyriyyəçi insanlara olan hörmət və ehtiramı özündə əks etdirir.  

Mayın 31-də Qazax Rayon İcra Hakimiyyətinin başçısı Rəcəb Babaşov icra aparatının məsul şəxsləri ilə birlikdə Kosalar kəndində olub, təmir olunan mülkdə görülən işlərlə maraqlanıb. Görülmüş işlərin mövcud vəziyyəti ilə tanış olan rayon rəhbəri işlərin sürətləndirilməsi barədə aidiyyəti üzrə müvafiq tapşırıqlarını verib.

Babasının yaşadığı mülkün təmir olunmasına görə razılığını bildirən Məşədi İbrahimin nəvəsi Şahbəddin Hacıyev təhsilimizin, elmin inkişafına dəstək olan insanlara verilən qiymətə görə öz adından, ailəsi və yaxınları adından minnətdarlıq edib. Bu nümunəvi addımı babası Məşədi İbrahimin timsalında təhsilin inkişaf etməsində əməyi keçən xeyriyyəçi insanlara olan hörmət və ehtiramın göstəricisi kimi qiymətləndirib

Keçidlər