Qazaxda koronavirus infeksiyasına qarşı növbəti dezinfeksiya işləri görülüb

26 mart 2020 | 16:00

Qazaxda koronavirus (COVID-19) infeksiyasının yayılmasının qarşısını almaq məqsədilə həyata keçirilən tibbi-profilaktik və dezinfeksiya tədbirləri bu gün də davam etdirilib.
Növbəti dezinfeksiya işləri şəhərin Heydər Əliyev prospektində yerləşən hər biri 5 mərtəbə, 3 blokdan ibarət 60, 64 saylı, H.Arif küçəsində “Hərbi şəhərcik”də yerləşən 4 mərtəbəli, 4 bloklu 3,4, 4 mərtəbəli, 6 bloklu 2,5 saylı çoxmənzilli yaşayış binalarında və ətraf ərazilərdə koronavirus infeksiyasına qarşı dezinfeksiya işləri aparılıb. Bundan əlavə, Azadlıq küçəsi 31 A ünvanında şəhid ailələrinin və Qarabağ müharibəsi əlillərinin yaşadığı 3 mərtəbəli, 4 bloklu, eləcə də həmin küçədə yerləşən 2 mərtəbəli, 2 bloklu 31 saylı binalarda da koronavirus əleyhinə qabaqlayıcı tədbirlər həyata keçirilib.
Çoxmənzilli binalarla yanaşı, şəhərin mərkəzində yerləşən parkda uşaqların əyləncəsi üçün ayrılan məkan da Gigiyena və Epidemiologiya Mərkəzinin əməkdaşları tərəfindən koronavirus infeksiyasına qarşı suya xüsusi dezinfeksiyaedici maddələr qatılmaqla dərmanlanıb.
Bu gün həmçinin günorta saatlarında şəhərin girişindən başlayaraq H.Əliyev prospekti boyunca avtomaşın vasitəsilə də dezinfeksiya işləri görülüb.
Rayonda dezinfeksiya tədbirləri növbəti günlərdə də davam etdiriləcək.

H.Əliyev prospekti 60 saylı bina