Ölkə birinciliyində Qazaxlı atletlər 6 qızıl medal qazanıb
06 oktyabr 2017 | 16:00
2-6 oktyabr 2017-ci il tarixlərdə Ağır Atletika üzrə keçirilən ölkə birinciliyində Qazax komandası uğura imza atıb.
Belə ki, Xaçmaz şəhər Olimpiya İdman Kompleksində 2005-2006-cı il təvəllüdlü idmançılar arasında keçirilən birincilikdə Qazax atletləri 6 qızıl, 1 gümüş və 1 bürünc medal qazanıblar.
İdmançılardan Aişə Əliyeva və Fırat Məmmədov (30 kq), Ravin Alməmmədov (34 kq), Qasım İsmayılov (38 kq), Abdulmətin İsmayılov (56 kq), Arif Mustafazadə (+69 kq) I yeri qazanaraq birinciliyin qızıl medalını əldə ediblər. Səbuhi Orucov (62 kq) isə gümüş medala layiq görülüb. 38 kq çəki dərəcəsində Mübariz Yerevanlı kürsüdə III yeri bölüşərək bürünc medala sahib olub.